Kuri uyu wa Gatatu Minisitiri w'Intebe Dr. Edouard Ngirente yakiriye indahiro z'abashinjacyaha bane barimo Dr. Bideri Diogene wagizwe umushinjacyaha ku rwego rw'igihugu, abandi bakiriwe barimo abo ku rwego rwisumbuye ndetse n'urw'ibanze.

Bimwe mu byo aba bashijacyaha basabwe birimo kwirinda amakosa ajyanye no kubogama yakunze kuranga bamwe muri bo.

Bamwe mu barahiriye kuba abashinjacyaha bashima Leta y'u Rwanda itanga amahirwe angana mu gutanga ubutabera nyabwo bavuga ko bashingiye ku bimenyetso bazuzuza neza inshingano barahiriye.

Umushinjacyaha Mukuru wa Republika Aimable Havugiyaremye avuga ko akazi k'ubushinjacyaha katagarukira ku gufunga, abasaba gukorana ubushishozi.

 Minisitiri w'Intebe Dr. Edouard Ngirente, ashingiye ku ndahiro barahiye yavuze ko nta we ukwiye gukoresha ububasha afite mu gutsikamira uburenganzira bwa muntu.

Ku bijyanye n'icyaha cya ruswa ikunze kuvugwa kuri bamwe mu bashinjacyaha, abaturage basabwe gutanga amakuru cyane ko inzego zibarenganura zitagarukira mu bucamanza.

Src: RBA